மன்னிப்பு

சிறு வயதில் நான் ஆர்வமாய் கேட்கும் கேள்விகளுக்கு எல்லாம்
அலுக்காமல் பதிலுரைத்த என் தாய் தந்தையின் பொறுமை
கணினி தொடர்பாய் என் தாய் கேட்கும் கேள்விகளுக்கு
நான் விளக்கமளிக்கும் போது மட்டும் இல்லாமல் போனதுவேன்
என் தவறை உணர்கிறேன் நான் முதல் முறையாய்

அன்பு

காதல் கொண்ட மனமோ அவளுடன் வாழ்ந்திட துடிக்கும்
அன்பு கொண்ட மனமோ அவள் மகிழ்வினை விரும்பும்
என் பிரிவே அவள் மகிழ்வெனில் காதலை வீழ்த்தி
என்றும் அவள் மேல் கொண்ட அன்பே ஜெயிக்கட்டும்

காதல் பிச்சை

மறக்க முடியாத உன் நினைவுகளோடும்
மறக்க முயலும் என் காதலோடும்
நித்தம் போராடுகிறேன் நான் தனியாய்
மனம் இரங்கி வாராயோ நீ என் துணையாய்

காதல்

மெல்லவும் முடியாமல் உமிழவும் இயலாமல்
பாதியில் நின்ற இரையால் பரிதவித்திடும் பாம்பினைப் போல்
வெளிபடுத்த இயலாமல் தவித்திடும் என் இதயம்
உன்மேல் கொண்ட காதலை

பிரிவு

மௌனமாய் கழிந்திடும் பேருந்துப் பயணங்கள்
தனிமையில் புசித்திடும் இரவு நேர உணவு
வெறுமை நிறைந்திருக்கும் வீட்டின் அறைகள்
அனைத்தும் ஞாபகப்படுத்தும் நண்பா உன் அன்பை